Karapatan ng mga Pilipino sa West Philippine Sea

Ano nga ba ang West Philippine Sea?May karapatan ba talaga ang mga Pilipino sa West Philippine Sea?Marahil alam ng bawat isa sa atin na tayo ay salat pa ang kaalaman patungkol sa isyung ito ng mga karapatan.Anu-ano nga ba ang mga karapatang ito at sino ba  talaga ang pinaboran ng International Court of Justice?

Para sa kaalaman ng lahat ang West Philippine Sea ay isang grupo ng mga isla na inaangkin ng Pilipinas at China dahil sa potensyal na likas na yaman na makukuha rito.Naniniwala ang China na matagal ng kanila ito sapagkat sila umano ang nakakita at nagpangalan sa lugar.Depensa naman ng Pilipinas matagal ng napabilang sa bansa ang West Philippine Sea bilang bahagi ng Zambales.Isa umanong mapa ang nalimbag noong 1734 ang nagpapakitang parte ng probinsya ang nasabing isla.At noong 1465 nakapaglagak din tayo ng watawat at nagtayo ng parola doon.

Mayroong karapatan ang Pilipinas sa West Philippine Sea.Narito ang ilang ebidensya na magpapatunay na atin ito.Una,magkaiba ang West Philippine Sea at South China Sea.Ikalawa,nasa hurisdiksyon ng Pilipinas ang West Philippine Sea.Ikatlo,mayroon  tayong mapang magpapatunay na atin ito.Ikaapat,mas malapit ito sa pilipinas kumpara sa China at wala ring batayan ang nine-dash line ng China.

Ano nga ba ang nine-dash line?Ito ay ang pulang linyang nakaguhit sa lumang mapa ng China kung saan sinasabi nilang ang nasa loob o ang nasasakupan ng linyang ito ay pagmamay-ari ng China.Inabandona ni Chairman Mao Zedong ang Chinese claims kayat noong Julyo 12,2016 idiniklara ng International Tribunal na hindi na ito maaaring gamitin bilang Historical claims ng China.

Hindi madaling makipagtunggali sa mga bansang mas malakas at mas malaki sa atin.Ngunit ipinakita ng mga Pilipino ang kanilang paninindigan sa bansa sa pamamagitan ng pagharap sa korte at paglalahad ng mga ebidensya kahit alam nilang delikado ang kanilang buhay dito.Ito ay dahil humantong na sa puntong pati ang mga mangingisda natin ay pinakikitaan ng mga Chinese ng hindi magandang pakikitungo kahit wala naman silang ginagawang mali.Kayat napilitan ang mga opisyales ng Pilipinas na maghain ng reklamo ukol sa usaping ito.At dito ay naghain sila ng kanya-kanyang hinaing ukol dito at nagbahagi din sila ng samo’t saring ebidensya na dedepensa sa kanila.

Pagkatapos ng labanan at mahabang prosesong ginawa ng mataas na hukuman ay lumabas na ang pinakahinihintay na desisyon ng bawat isa.Diniklara na ng mataas na hukuman na ang Pilipinas ang higit na mas may karapatan sa West Pilippine Sea.Masaya ang bawat Pilipino sa desisyong ito kaya’t sila ay kaagad na nagbunyi.